Папа Францішак жадае, каб удзельнікі Сіноду Біскупаў выказваліся ў поўнай свабодзе і не баючыся таго, што Пантыфік можа мець іншы пункт гледжання. Менавіта ў гэтым, па словах Святога Айца, праяўляецца сінадальнасць. 6 кастрычніка падчас адкрыцця працы ІІІ Надзвычайнай сесіі Сіноду Біскупаў на тэму сям’і і сужэнства Святы Айцец даў яго ўдзельнікам некаторыя парады.

Наўрад ці абмяркоўвалі так спрэчна ў апошнія месяцы якую іншую касцёльную тэму: вынікамі ІІІ Надзвычайнай сесіі Сіноду Біскупаў, прысвечанай сям'і, зацікаўлены ўсе веруючыя. Аднак падчас сустрэчы ў Ватыкане біскупы працуюць за зачыненымі дзвярыма.

Увечары 4 кастрычніка, напярэдадні распачацця ІІІ Надзвычайнай сесіі Сіноду Біскупаў, прысвечанай сужэнству і сям’і ў кантэксце новай евангелізацыі, на плошчы св. Пятра ў Ватыкане адбылося малітоўнае чуванне ў інтэнцыі Сіноду. У працах Сіноду прыме ўдзел Мітрапаліт Мінска-Магілёўскі арцыбіскуп Тадэвуш Кандрусевіч.

5 кастрычніка ўрачыстай Імшой, якую ўзначаліў Папа Францішак, у базыліцы св. Пятра ў Ватыкане распачалася ІІІ Надзвычайная сесія Сіноду Біскупаў, прысвечаная сям’і ў кантэксце новай евангелізацыі. У працах Сіноду ўдзельнічае Мітрапаліт Мінска-Магілёўскі арцыбіскуп Тадэвуш Кандрусевіч.

5 кастрычніка ў Ватыкане распачынаецца ІІІ надзвычайная асамблея Сінодy Біскупаў, якая будзе прысвечана душпастырскай апецы сем’яў у кантэксце новай евангелізацыі. Сярод удзельнікаў Сінодy будзе і Мітрапаліт Тадэвуш Кандрусевіч.

Генеральны дакладчык III Надзвычайнай сесіі Сіноду Біскупаў кардынал Пэтэр Эрдо даў інтэрв’ю італьянскаму парталу www.rossoporpora.org. Іерарх падкрэсліў, што асноўнай тэмай дыскусіі стануць сямейныя каштоўнасці. На яго думку, трэба весці дыялог з сучаснымі мужчынамі і жанчынамі, каб «евангельскія каштоўнасці былі для іх не толькі прымальнымі, але і прывабнымі, здольнымі зрабіць наша жыццё шчаслівым».

«Заахвочваю ўсіх дыяцэзіян да руплівай малітвы ў інтэнцыі нашых сем’яў, каб яны былі моцныя Богам. Запрашаю ўсіх, каму ляжыць на сэрцы дабро сужэнства і сучаснай сям’і, да ўключэння ў малітву за Сінод падчас кожнай святой Імшы і іншых набажэнстваў, на працягу ўсяго часу трывання сінадальных прац», — адзначае біскуп Гродзенскі.

«На час Сіноду Біскупаў, прысвечанага сужэнству і сям'і, які будзе праходзіць у Рыме па волі Папы Францішка ў днях 5–19 кастрычніка 2014 г., заахвочваю ўсіх вас да малітоўнай лучнасці і падтрымкі тых, хто ўдзельнічае ў разважанні над важнымі справамі Касцёла ў гэтай галіне», — піша біскуп Пінскі Антоні Дзям'янка.

Святы Айцец Францішак устанавіў нядзелю 28 верасня 2014 г. Днём малітваў у інтэнцыі III Надзвычайнай сесіі Сіноду Біскупаў на тэму «Душпастырскія выклікі, звязаныя з сям’ёй у кантэксце евангелізацыі». Сінод адбудзецца ў Ватыкане 5-19 кастрычніка.

У сваім уступе да новай кнігі па тэме вучэння Касцёла аб шлюбе кардынал Джордж Пэл напісаў: «Ніхто не можа падтрымліваць ідэю непарыўнасці шлюбу, але дазваляць тым, хто зноў уступіў у шлюб, прымаць cакрамэнт Эўхарыстыі».

Іерархі, згодна з воляй Папы, павінны весці адкрытае і свабоднае абмеркаванне на Сінодзе Біскупаў на тэму сям’і. Кожны павінен мець свабоду «без страху і падазронасці» выказваць сваё меркаванне, сказаў генеральны сакратар Сіноду кардынал Ларэнца Балдзісэры. ІІІ Надзвычайная сесія Сіноду пройдзе ў Ватыкане з 5 па 19 кастрычніка.

ІІІ Надзвычайнай сесіі Сіноду Біскупаў будзе папярэднічаць малітоўнае чуванне на плошчы св. Пятра. Канферэнцыя Біскупаў Італіі заклікае вернікаў Вечнага горада прыйсці на галоўную ватыканскую плошчу вечарам 4 кастрычніка 2014 г., каб памаліцца аб плённасці форума.

9 верасня 2014 г. быў апублікаваны спіс удзельнікаў ІІІ Надзвычайнай сесіі Сіноду Біскупаў на тэму “Душпастырскія выклікі, звязаныя з сям’ёй у канктэксце евангелізацыі”, якая пройдзе ў Ватыкане 5-19 кастрычніка. Паводле дакумента, распаўсюджанага Генеральным сакратарыятам Сіноду, у яго працах будуць прымаць удзел 253 чалавекі.

У ІІІ Надзвычайнай сесіі Сіноду Біскупаў на тэму душпастырскіх выклікаў, звязаных з сям’ёй у кантэксце евангелізацыі, якая пройдзе ў Ватыкане 5-19 кастрычніка 2014 г., прымуць удзел не толькі іерархі і эксперты ў сацыяльных навуках, але і сужэнскія пары. Пра гэта паведаміў у інтэрв’ю інтэрнэт-парталу “Vatican Insider” старшыня Папскай рады па справах сям’і арцыбіскуп Вінчэнца Палья.

Нядзеля 28 верасня 2014 г. будзе прысвечана малітве ў інтэнцыі ІІІ Надзвычайнай сесіі Сіноду Біскупаў, гаворыцца ў спецыяльным паведамленні Генеральнага сакратарыяту Сіноду, апублікаваным 6 верасня. Акрамя таго, “мясцовыя Касцёлы, парафіяльныя супольнасці, інстытуты кансэкраванага жыцця, асацыяцыі і рухі запрашаюцца да малітвы падчас эўхарыстычных цэлебрацый і іншых набажэнстваў на працягу дзён, якія будуць папярэднічаць сінадальным працам, і падчас іх”.